Diasabra marduga polis y brandweer a presenta cu máximo urgencia na Tarabana Residence. Caminda cu lo tabata tin un Hyundai accent color preto na candela. Brandweer a logra combati a candela rapidamente, pero no a logra haci mucho pa scapa e auto pasobra e auto tabata ful na candela.
Polis a cuminsa tuma datos di e sucedido mesora. A resulta cu e doño di e auto no ta biba na e dicho a adres pero a sali cu su amiga cu ta biba na e cas anto laga su auto para ey nan.
E tata di e amiga despues a yama bisa su yui cu su amiga su auto ta na candela. Mesora nan a yega na e sitio y por a mira cu en berdad e amiga su auto a kima ful. Brandweer a actua lihe pa asina evita e candela sigui bay over pa e cas, mirando cu e auto tabata hopi cerca para di e cas na Tarabana.
No ta conoci con e auto aki lo a pega na candela pero brandweer a yega pa combati esaki rapidamente. E auto sigur a keda cu basta daño
