Diadomingo pasa di 11:30 pm a sosode un accidente riba caminda di Hato pa bay direccion di Elmar unda un Hyundai Accent blauw a dal un homber canando den e area.
E accidente a sosode net prome cu e scol di EPB y e peaton tabata canando e banda drechi di caminda, bayendo EPB, ora cu e e vehiculo a alcance.
Door di e impacto e herido a cay mas o menos un meter y mey for di e caminda, den e yerbanan.
Mesora a solicita polis y ambulance cu a presenta p’asina atende e homber cu ta herida y a transporte pa hospital pa atencion medico avansa.
A cera e caminda tambe pa haci investigacion necesario pa saca afo kico realmente a pasa mirando cu den e area ey ta basta scur.
