Dialuna anochi den careda di 8.30pm a sosode un accidente na rotonde di Santa Helena. Aki ta caminda cu un auto a alcansa un dama. Na e sitio tabatin un damita cu danki na Dios nada no a pas’e.
E chauffeur tabata hopi spanta pa wak e dama tira riba vloer. Personal di ambulance a atende cu e dama y despues a transport’e pa hospital. Polis a hiba e hobencita su cas pa asina e famia purba di calme.
E manehador di e Hyundai Accent a conta polis cu e tabata bayendo direccion zuid y yegando na e rotonde e no a paga tino cu tin un dama y un menor crusando caminda, consecuentemente el a alcansa e dama net prome cu e rotonde. E dama a keda levemente herida.