Diadomingo alrededor di 10:40 pm a sosode un accidente riba e caminda di De La Sallestraat. Aki un bais electrico, conoci como “bromfiets”, a subi caminda sin paga tino cu na e momento ey un auto pickup marca Nissan, color shinishi, numera A-31522, tabata biniendo riba e caminda di preferencia.
Na momento cu e bais electrico a subi caminda, e chauffeur no por a evita e accidente mas. Nan tabata tres amigo cu a sali di Umbrella y tabata caminda pa cas. Un di nan a spanta ora di e accidente y a ranca un careda bay laga bais cu tur atras. Despues a bolbe pa bin check su amigo, cu a keda benta na suela bou di e pickup.
Polis a presenta pa haya tur dato di e accidente. Ambulance tambe a presenta na sitio pa atende cu e motociclista, cu a resulta seriamente herida.
