Un rato pasa polis a presenta cu urgencia na e loteria banda di New Tarabana Minimarket p’un atraco. Ta na momento cu e señora, pues esun cu ta bende number tabata cera e loket, ora cu un desconoci a atrac’e. A bay cu por lo menos tres shen florin na efectivo.
Segun informacion ricibi, e homber tabata bisti cu un handschoen preto, cu un blusa manga largo color shinishi, cu tapaboca di color y cu jeans color blauw. A mir’e core bay direccion panort, pues parti patras di e Minimarket. Mesora polis a cuminsa cu un buskeda den e area pa wak si ta topa cu e atracado aki. Parce e ta papia bon papiamento tambe.
Ta trata di Tarabana Lucky Lottery, cu awe a bira victima di atraco, no ta mucho dia pasa cu a atraca un otro punto di benta den Koningstraat. E biaha aki, e atracado no tabata arma.