Su nomber ta Alexis Belbodas y e ta un sospechoso hopi peligroso. E ta cera e momentonan aki y a bay KIA caba, pendiente su caso.
Asina mes diahuebs mainta su presencia tabata necesario na oficina di Atraco Team pa atende cu ne hunto cu su abogado riba cierto asunto. Abogado tabata presente tambe den e encuentro diahuebs na oficina di Atraco Team. E team special di KIA ta esunnan encarga cu e transporte di Alexis Belbodas. E ta un figura peligroso y cu ta usa arma di candela pa comete atraco poniendo e arma na cabes di hende. Hasta cas di hende a drenta pone arma na cabes di famia.
P’esey ta tapa su wowonan y a pone boei special cu faha ora di transporte di un lugar pa otro. Anteriormente e tabata cera caba pa atraco. A sinta su castigo y sali comete otro atraco. Kiermen e no a siña su les. E biaha aki hues lo tin cu baha pisa riba e castigo.
Tabata tin un otro sospechoso mas den e mesun caso cual ta sospecha Belbodas di dje. E sospechoso aki ta liber caba. Abogado a bringa y logra mustra cu su cliente no tin nada di haber cu e atraco di Alexis Belbodas.
