Diabierna atardi tabata tin un atardi informativo riba comemento saludabel. Esaki den cuadro di un curso pa bira Praktijkondersteuners.
Segun Natasha Upegui, kende ta representa e grupo di Praktijkondersteuners (POH), locual cu un POH ta haci, ta traha conhuntamente cu un dokter di cas y ta yuda esnan cu ta diabetico y cu tin problemanan cardiovascular.
Ta haci esey semper en conexion cu dokter y diabierna, un biaha mas, ta parti di e estudio unda cu a crea cuater diferente material pa duna informacion na e pueblo di Aruba y esaki nan a presente diabierna atardi na Colegio EPI.
Upegui a splica cu nan a presenta docentenan di Hulanda, Brede Rode Rotterdam. Tambe tabata tey Gino Goeloe, director di Wit Gele Kruis. Tambe e docentenan cu ta duna nutricion, cual ta Sharline Lesley y asina tin tur e POHnan cu ta eherciendo e funcion caba y a invita nan tambe. A cera un atardi di e manera aki a cera un atardi, unda cu por a duna informacion. E atardi aki a cuminsa pa 2’or di merdia y caba 5’or di atardi. Conhuntamente cu e material cu nan a traha como grupo, a ofrece un lunch saludabel. Chef Steba di EPI a duna su cooperacion den esaki. Como scol tambe nan ta kere den comemento saludabel y asina ta purba di promove y yega na pueblo di Aruba, cu comemento saludabel, no mester ta caro, Upegui a comenta.
