E aña aki, pa medio di dos conferencia, den e caso aki esun di siman pasa ‘Aruba Global Travel Conference’, y awor diaranson mainta riba World Tourism Day, Ronella Croes CEO di Aruba Tourism Authority (ATA) ta expresa e enfasis riba kico ta haci hospitalidad di Aruba diferente cu otronan.
“Siman pasa nos a haci e pa medio di diferente presentacion, y awe nos a enfoca riba esey atrobe. Pa splica breve con hospitalidad di Aruba ta parti integral di nos cultura y nos DNA.” E orador mr. Will Guidara tabata e keynote speaker na e World Tourism Day 2023 Conference cu a tuma luga na Hyatt Regency Aruba Resort, y Guidara ta autor di e buki Unreseanable Hospitality. Guidara ta masha conoci den e ramo di hospitalidad internacionalmente.
