Asociacion di Fisioterapista di Aruba (AVF) tabata tin un reunion na parlamento cu comision di salud. E reunion aki tabata pa nan sinta cu e stakeholders. E stakeholders a sinta cu e asociacion aki prome y e tin di haber cu nan preocupacionnan.
Marlon Maduro, Presidente di Asociacion di Fisioterapistanan di Aruba, a splica cu e stakeholders kier a scucha e preocupacionnan aki. Pa loke ta e reunion mes, esaki a bay riba bon tera. E asociacion a haya tur tempo pa splica nan preocupacionnan. A bin dilanti varios pregunta pa AFV ya cu tabatin hopi cos cu a lanta nan interes y esey a pone cu nan tabata kier a haya mas detaye.
Pa loke ta riba e parti di saca nan fo’i e pakete, Maduro a indica cu e ta kere nan tambe ta preocupa. Nan kier sa kico minister ta bisa cu no lo saca nan dje pakete, cual ta e preocupacion principal cu nan tin. Di loke e mandatario a bisa di no saca nan, e comision a compronde esey awo. Ambos partido ta acepta y cu minister lo mantene su palabra cu fisioterapista lo sigui den e pakete.
Un pregunta cu a bin dilanti tabata e eigen bijdrage (contribucion propio). Segun Maduro, esey ta un cos cu minister no a duna e asociacion un aclaracion y nan no sa precisamente e contesta. P’e proximo tranche nan no tin un dia pa cuanto tempo lo sigui den e pakete.
Pa cobertura mas amplio, lesa e edicion di TREMPAN mañan.
