Diamars anochi e prome dia di e bishita Real di Reina Maxima hunto cu ministernan di Hulanda, Aruba y Curaçao a termina cu un recepcion na e stadhuis di San Fransisco. E recepcion tabata na honor di Reina Maxima.
Na final di e discurso di e.o Reina Maxima y Gobernador interino di California, e ekipo di 24ora.com a combersa cu Minister Geoffrey Wever di Aruba. Minister a splica cu e prome dia tabata uno hopi intensivo y e tabata contento di por a papia cu diferente CEO pa asina invitanan pa haci negoshi cu Aruba. Aruba ta situa strategicamente memey, entre Merca y Latino America.
E isla ta habri pa asina brinda e facilidadnan pa e companianan establece nan mes na Aruba.
