Abogado mr. Vito Carlo a keda decepciona cu Corte un biaha mas a rechasa su peticion pa haci uzo di un experto Hulandes den e team di defensa di e acusado Curt Harms. Esaki ta algo cu e mesun cliente / acusado a regla. Ta trata di Prof. dr. mr. Petra van Kampen.
E ta un persona di bon reputacion na Hulanda. Mirando cu su cliente ta bisa cu e acusacion contra dje no ta berdad, el a busca un persona cu por yuda demostra cu loke ta acus’e no tin nada di haber cu labamento di placa.
Mr. Carlo di su banda, inicialmente, a pidi Corte pa e forma parti di su team, pero no a mira necesidad. Awo aki un biaha mas Corte a bisa cu nan ta kere cu e abogado mes por haci e trabou aki. Nan ta sinti cu a viola derecho di e acusado aki pa cual lo bay entrega un keho na Corte Europeo.
Den un articulo amplio den TREMPAN lo por lesa loke mr. Carlo a bisa di e situacion aki.
