Den e ultimo weekend di augustus Aruba One Happy Island Lions Club a haci entrega di un total di 87 tas di scol. Tur tas tabata yena cu articulo nan escolar manera schrift, pen, potlood, etui, slijper, binders, schoolmappen, etc. Por bisa cu e demanda e aña aki pa ricibi ayudo tabata hopi grandi.
Aruba One Happy Lions kier a duna un danki grandi na UTLT, Keke Department Store, Lucky Store, VGT Aruba, Franklin Kelly y su pareha, sr. Gregorio y Ronchi de Cuba cu nan donacion pa asina haci e proyecto aki posibel. Alabes nos kier a gradici tur nos miembronan cu a coopera pa parti e tasnan den tur bario di Aruba.
Aruba One Happy Island Lions Club kier a desea tur alumno y maestro tur clase di exito den e aña escolar aki.
![](https://24ora.com/wp-content/uploads/2023/08/bta5.jpg)
![](https://24ora.com/wp-content/uploads/2023/08/bta2.jpg)
![](https://24ora.com/wp-content/uploads/2023/08/bta7-810x1440.jpg)