Diaranson ultimo a tuma un momento pa celebra hunto cu e binti coachnan nomina pa diferente team/mayor/hungado di Aruba North Little League (ANLL). Durante e encuentro ameno aki varios coach a ricibi un premio chikito como muestra di aprecio pa tur nan tempo cu ta dedica na e deporte di baseball.
E resultadonan tabata como lo siguiente den e categorianan di:
Coach di Publico
Prome luga: Eldrick Dijkhoff (CBN Eagles) cu 515 engagements, 435 likes y 70 comments.
Di dos luga: Franco Kock (CBN Eagles) cu 428 engagements, 345 likes y 65 comments.
Di tres luga: Giovanni Rafael (Hammersharks Baseball Organization) cu 261 engagements, 214 likes y 31 comments.
Coach Popular
Prome luga: Leo Geerman (Blue Marlins Baseball Organization) cu 7446 impressions, 6062 reach, 43 shares y 61 comments.
Di dos luga: Revelino Maduro (Hammersharks Baseball Organization) cu 5238 impressions, 4806 reach, 18 shares y 43 comments.
Di tres luga: Shakir Arends (CBN Eagles) 2604 impressions, 2411 reach, 9 shares y 29 comments.
Coach Impacto
Ganado absoluto: Shawn Thijsen (CBN Eagles) cu 41953 seconds viewed, 585 clicks y 37 shares.
Ta spera di por ricibi mas nominacion den 2024, ANLL ta consisti di 25 team den categorianan 5/6 te cu 15/16 cu un total di 75 coach boluntario dunando bek na comunidad.
E weekend aki na veld di Pos Chikito e fundeshi di nos baseball, esta e categorianan 5/6 y 7/8 lo hunga e weganan di final y ta yama e fanaticonan di ANLL bin apoya nos mas chikitinnan #MadeInANLL cu un #OlaCora na Pos Chikito pa 9:00 am y 12:00p m.
Aruba North Little League y su miembronan, Blue Marlins Baseball Organization (Tanki Leendert), CBN Eagles (Noord) y Hammersharks Baseball Organization (Calbas) ta invita mayornan pa inscribi nan yiunan di edad 4+ cu ainda no ta practicando e deporte di baseball y laga nan cuminsa train. E programa di Little League tin como lema: caracter, curashi y lealtad y ta ofrece un cantidad grandi di experiencianan unico y beneficioso pa nos muchanan y nos comunidad. Cuminsa informa awe mes di teamnan den bo bario y trece e yiu, nieto/a, subrino/a y bisiña pa haci su promesa.
