Den un esfera festivo na Surfside Marina, Aruba Lions Club a celebra su di 71 aña di a ricibi su charter for di Lions Club Internaciol na aña 1948.
Tabata un honor grandi pa Aruba Lions Club di por a sirbi e comunidad di Aruba pa tanto aña, pa medio di por ehempel su proyectonan di Smile Mobile, cama di hospital, rolstoel y ta sigur cu e apoyo di comunidad y di su miembronan, cu e lo por sigui hasi esaki pa hopi aña mas.
Tambe durante e anochi a honra dieferente miembronan Leon kende nan a ser reconoci pa Lions Club Internacional pa nan aña nan di servicio. E 9 miembronan aki, na un forma volunatario hunto ta sirbiendo nos comunidad pa 220 aña caba y ainda tin di nan cu ta activo. Esnan cu a ricibi nan chevron pa 10 aña ta Lion Herve Ruiz y Lion Francis Leo. Esnan cu a sirbi 20 aña ta Lion Marlon Croes y Lion Randall Croes. Pa 30 aña di servicio ta Lion Carlos Maduro, Lion Jacintho Tromp, Lion Satish Daryanani y Lion Frank Croes kende tabata Past Distric Governor. Pa sera e tremendo hazaña aki nos tin Lion Marco “Maiky” Croes kende a cumpli 40 aña di servicio. Un pabien y un danki grandi pa nan servicio.
Lions Club Internacional tambe ta honra Lion nan cu ta sponsor un persona pa bira miembro permanente di Club. Den e caso aki ta honra Lion Maximiliano “Bibi” Arends cu e Centenial Membership Award. E persona cu Lion Bibi a sponsor ta Lion Ricky Vijsma kende ya tin casi 2 aña den club. E animacion pa e anochi aki a keda den man di Sr. Eddy Toppenberg y Lion Randolf a fungi como e maestro di ceremonia. Aruba Lions Club ta gradici tur persona kende a yuda hasi di e anochi aki un exito.
