Tres scol di Aruba, Gihae Tang Soo Do Ayo, Gihae Tang Soo Do Brazil y Gihae Tang Soo Do St. Cruz a bay Costa Rica pa participa den e World Do Assocation Regional Championship.
Rodney Thomas, coach, a splica cu cos a bay hopi bon. Un biaha mas e alumnonan a presta hopi bon afo, na Aruba tambe. E coach ta kere cu e otro paisnan ta trece competencia pa nan, pero semper nan ta logra trece hopi medaya pa Aruba. ochentiun persona a bay Costa Rica, di cual 32 ta alumno di Gihae Tang Soo Do Aruba. Di e 32 alumnonan ey, nan a logra trece un total di 74 medaya, di cual 43 ta di oro, 22 medaya di plata, nuebe brons. Tambe nan a logra dos titulo maximo uno cu Maëly Bressat den Regional Grandchampion Black Belt Female Youth division y Shanro Thomas Grandchampion Black Belt Male Youth division. Pa di dos bes Bressat a logra defende y gana e titulo aki, ya cu na 2019 el a gan’e.
Thomas a sigui indica e trainingnan tabata intenso, unda mester a tende cuenta cu scol, tene cuenta cu e muchanan bira malo. E trainingnan tabata asina intenso y e muchanan a duna di nan parti. El a gradici e mayornan cu a duna di nan parti tambe, p’asina e muchanan por a train y cu nan por a logra tanto medaya pa Aruba.
