Dia 23 di april ultimo, Aruba Dolphins Swimming a reconoce y elogia su atletanan cu a sa di destaca, demostrando talento y disciplina den e deporte di landamento pa aña 2022. Cada atleta a ricibi un certificado y medaya di reconocemento pa nan esfuerso individual pa mehora nan tempo y contribui cu e truinfo di e team completo.
Tambe a reconoce y gradici e boluntarionan cu duna un gran sosten durante e eventonan organisa den aña 2022. E coachnan a haya un atencion special como gratitud pa nan bon trabou cu nan a haci p’e atletanan.
E anochi tabata uno bunita y bon organisa. Un team dinamico y hopi anima a sa di pone e anochi den otro y a haci cada un atleta sinti nan mes hopi special. A cera e anochi cu un presentacion di nos Soca Monarch 2023 Casper. E invitadonan a disfruta nan mes inmensamente. Masha pabien na cada atleta cu boso premiacion y Aruba Dolphins Swimming cu boso Awards Night espectacular!!
Atletanan ganado di aña 2022 ta lo sigiuente:
Categoria 6 aña y abou
Femenino: Leah-Paris Kock
Masculino: Dirksz Owen
Categoria 7-8 aña
Femenino: Kaythlin Thiel
Masculino: Vrolijk A’drian
Categoria 9-10 aña
Femenino: Jayla Stuut
Masculino: Jaythan Winterdal
Categoria 11-12 aña
Femenino: Aliyah Estrada
Masculino: Enrique Van Den Hengel
Categoria 13-14 aña
Femenino: Farro Liv
Masculino: Jayrick Winterdal
Categoria 15-17 aña
Femenino: Noalynn Stuut
Masculino: Braynsly Dirksz
Categoria 18 aña y ariba
Femenino: Rebecca Maduro
Masculino: Carsten Angela
Atleta di Aña 2022
Femenino: Liv Farro
Masculino: Braynsly Dirksz