Pa Aruba, e tabata un honor di por a bira anfitrion di Cartagena Convention e siman aki despues cu algun aña e encuentro aki no por a tuma luga personalmente. Aworaki esaki a tuma luga na Aruba.
Cu sosten di Ministerie van Landbouw, Natuur en Voedselkwaliteit cu a haci esaki tambe posibel pa medio di contribui financieramente pa Aruba por bira anfitrion di e encuentro aki. E tabata un siman cu diferente (COP) Conference of the Parties cu a tuma luga – unda a finalisa cu e Cartagena Convention di cual varios tema a discuti.
A yega na palabracion concreto tambe con lo bay sigui pa dilanti, cu accion concreto tambe cu lo mester tuma luga, finalisando e siman formalisando dos MoU.
Ta trata aki di un MoU di Reino caminda cu Aruba, Hulanda y Corsou a firma, awor falta Sint Maarten tambe pa firma. “Esaki ta basa riba tema di conservacion di naturalesa, siguridad di alimento, y pa cumpli cu tratado internacional, haya colaboracion den Reino cu otro p’asina cada un di e paisnan den Reino por cumpli cu tratadonan internacional tambe” segun minister di Naturalesa Ursell Arends.