Durante siman cu a pasa tabata tin e Congreso Mundial di Baseball y Softball esta WBSC cual a tuma lugar na Botswana Africa. Un Pais sigur hopi leew di Aruba y pa duna un indicasion di e distancia esnan cu a bay via New York mester a biaha 15 ora straight none stop New York pa Johannes burg y despues conecta y sigi 1 ora mas pa Botswana. Ambos deporte ta deportenan hopi gusta y practika na Aruba y tabata di suma importancia pa Aruba por a acudi. Di Aruba Softball Bond Endy Croes presidente y Francisco Chirino Vice presidente tabata presente mientras di ABBA Reynaldo “Reychi” Geerman tesorero tabata tey pa e tantisimo trabownan cu a tuma lugar. Un Congreso masha grandi cu participacion di 200 pais. Tanto representantenan di Softball y Baseball di Aruba a traha den diferente comision. Finalmente Softball a eligi su directiva mientras Baseball tambe a eligi su directiva den reunionnan maratonico. Un comision legal di WBSC consitiendo di 1 abogado y 2 jurista tabata esnan encarga pa hasi e proceso aki pa asina esaki por a bay transparente. Tambe a elimina statutonan di Baseball (IBAF) y Softball (ISF) pa hasi e unificasion mas fuerte y awor WBSC ta consisti di 1 solo statuto y den e statuto aki tin 2 parafo identifica como “Code” esta uno ta “Code” Baseball y e otro ta “Code” Softball y pues oficialmente 1 solo organisacion cu 2 disciplina. Despues di a trata hopi puntonan di agenda a jega na diferente conclusionnan final di cual nos lo amplia den un sigiente comunicasion. Un cos ta sigur pa chiquito cu Aruba por ta mester bisa cu Aruba tabata sublime representa.
