Aruba Bank ta contento pa comparti e exito di e serie di presentacionnan di “Circular Economy” hunto cu Impact Blue na 10 scol basico rond di Aruba. E iniciativa aki tin como meta pa educa e hobennan y inspira nan riba e importancia di sostenibilidad y maneho responsabel di recursonan.
E presentacionnan adapta pa studiantenan di klas 5, a cubri aspectonan esencial di “Circular Economy”, stimulando e conocemento y comprension di practicanan pa cuida y conserva nos medio ambiente. Aruba Bank ta comprometi na crea conscientisacion den e hobennan, promoviendo un futuro sostenibel pa nos isla.
Nos ta entusiasma pa comparti cu un total di 6 scol a registra pa participa na e “School Challenge”, cu lo tuma luga dia 22 di maart, na e sucursal principal di Aruba Bank na Camacuri. E dia aki, scolnan participante lo presenta nan proyecto y idea con nan lo aporta na “Circular Economy”.
Aruba Bank ta reconoce e esfuersonan di tur scol participante y ta contento pa anuncia premionan interesante pa e”SchoolChallenge”. E ganadonan lo ricibi na prome luga 1er luga: AWG 10,000, 2do luga: AWG 7,500 y 3er luga: AWG 5,000.
Aruba Bank y Impact Blue ta gradici e scolnan, studiantenan, y tur docente pa nan entusiasmo y dedicacion na e proyecto di “Circular Economy”. E “School Challenge” ta priminti di ta un celebracion di innovacion, creatividad, y un compromiso colectivo pa un Aruba mas consciente.
