Dialuna atardi a tuma e caso cu Aruba Bank NV a entama contra Bochincha Container Yard (BCY) y/o Otmar Oduber, den Hoger Beroep. Esaki despues cu den Corte di Prome Instancia, Aruba Bank perde su caso, unda cu e ta nenga di habri un cuenta bancario pa e entidad BCY di cual Otmar Oduber ta figura como director.
Tres hues di Corte Superior, mr. M.W. Scholte, mr. A.S. Arnold, mr. T.G. Lautenbach a trata e caso, mientras cu mr. M. Bos-Mounier tabata e griffier.
Abogado di Aruba Bank, mr. T.D. Croes-Fernandez Pedra, como parti di e team defensor di Aruba Bank, a cuminsa na splica cu door di diferente circunstancia Aruba Bank no por habri un cuenta di banco pa Oduber.
Aruba Banco ta un institucion financiero, e lo no nenga un hende pa habri un cuenta bancario asina no mas. Ta sospecha Oduber di labamento di placa, di traficacion di droga, corupcion. E ta un forma un risico demasiado halto pa Aruba Bank, pa motibo cu Oduber ta sospechoso den asina tanto caso.
Si lag’e habri un cuenta na Aruba Bank, tin risico grandi di cu instancianan financiero internacional lo haya marca Aruba Bank como un banco cu lo ta apoya labamento di placa. Pero aki na Aruba tambe Centrale Bank lo scrutina Aruba Bank hopi mas di cerca, mirando cu labamento di placa na Aruba ta halto. Esaki lo haci Aruba Bank un banco risico, pa cual e lo por yega di te hasta perde su licencia pa opera como institucion financiero. Si permiti’e pa habri un cuenta di banco, esey lo pone Aruba ariba lista atrobe di paisnan cu ta coopera cu labamento di placa y Aruba su nomber lo aparece atrobe riba listanan di pais unda cu ta laba placa.
Durante su periodo como Minister di Infrastructura, tabata sospech’e di a haci su mes culpabel na soborno, labamento di placa (Caso Flamingo). Den e caso aki, un exminister a haya un castigo di prizon di 4 aña. Pero anteriormente, den añanan 1990, e tabata envolvi den Plan Desaroyo San Nicolas, unda cu e tabata traha di cerca cu e ex minister di Asuntonan Economico, Tico Croes.
Otro punto cu Aruba Bank ta hopi skeptico di dje, ta e hecho cu Oduber ta haci uzo di e POS machine di restaurant di cual su yiu homber ta doño/manager, The Club. Esaki tabata situa na General Aviation Center (airport priva). Banco su punto ta cu e POS machine ta na nomber di un compania, pero ta uz’e pa un otro compania. Esaki ta haci Oduber mas sospechoso ainda, den labamento di placa.
Pa mas informacion abona riba www.trempan.com
