Segun resumen di Deparatmento di Salud Publico Aruba (DVG) awe, tin un total di 20 persona cu a recupera, mientras cu di otro banda a registra 61 caso nobo di Covid-19. Esaki ta e cantidad di mas halto den e ultimo lunanan aki, pa un solo dia. Di e 61 casonan cu a bin acerca, mester menciona cu 2 di nan ta no-residente.
E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 700 test. ‘Postivity rate’ entre nos residentenan ta 24%. Consecuentemente casonan activo pa a yega 308, cantidad di mortonan relaciona cu Covid-19 a aumenta na 80.
Hospital a informa cu tin un total di 36 persona interna di cual 11 ta den Cuido Intensivo y 25 riba unidad general di Covid-19.
