A laga cuater miyon atras pa cumpra radar y por haci diferente cos. A laga e autonan nobo atras, pasobra lo a yega un palabracion cu lo traha den combinacion di polis, douane, kustwacht, cu a haya autoridad pa traha riba tera tambe y asina ey logra traha ainda mas duro, na brinda e fenomeno di criminalidad. Tin hende liga na MEP, mes tabata facilita binimento di ilegalnan y awor aki nan ta den bestuurskantoor. No sa si e plannan aki lo sigui pasobra cu a stroba nan negoshi. E material tey. Awor aki e dienstnan mester lever in. Awor aki a cuminsa reclama cu no tin suficiente personal. Tin personal experencia na Warda nos Costa y a percura pa pone algun personal adicional. A pone algun hende muhe traha na Warda nos Costa y algun miembro nobo pa por lever hende pa coopera hunto cu nan, pa loke ta e parti di vreemdelingentoezicht na grens tambe y suficiente hende cu por haci control riba negoshinan y cu tin hende pa cuida nan.
Tin di compronde cu nan ta bay persigui e trahadonan aki, kitanan pasobra ta Dowers a nombra nan. Esey lo ta un fout hopi grandi, pasobra MEP a laga hopi hende, tempo cu Dowers a drenta como minister, cu por a kitanan, pero no a haci’e. Si nan ta haya cu mester bay persigui cierto hendenan awor aki pasobra cu Dowers a nombranan, y ta nifica cu nan no lo ta hende cu por haci nan trabao. Esey ta algo cu lo conden’e sigur. Ta spera cu na momento cu e material aki ta cla, cu nan uza e personal cu tin disponibel na e momento aki pa haci e trabao di control. Sa e efecto di esnan cu tabata drenta, yuda door di cierto hendenan aki pa por a causa daño na nos pais. Dado momento a bin cu e team tambe di persigui esnan cu ta coopera cu mensenhandel, mensensmokkel y por mira practicamente, cu excepcion cu MEP y POR tabata manda pa haci daño na e pais aki, por a mira cu e fenomeno a para y ta spera cu esaki keda asina den e añanan cu ta bin.
