Club di dam Arowak ta organisa diadomingo awor dia 23 di april un torneo di dam pa cualificacion pa nos hobennan entre 10 y 19 aña. Ganado di e torneo aki ta representa Aruba otro luna.
E torneo ta hunga den un solo grupo y lo start pa 2:00 pm y lo termina pa 6:00 pm. Ganado di e torneo lo bay representa Aruba na Corsou den un torneo ABC como hungado hubenil den e weekend di 26 – 28 Mei venidero.
E torneo di cualificacion lo tuma luga den Arowak su clubhuis na Sun Plaza 401-L na Oranjestad. Esaki ta na e di 4 piso den e edificio di Sun Plaza. Ora sali for di lift, drenta den e porta na bo man robes. E ta e prome camber na bo man drechi. Nos ta start pa 2:00 di atardi y lo termina pa 6:00 di atardi.
Pa mas informacion, por tuma contacto telefonicamente na e siguiente number di cel 699-8245, 593-6817 of 594-5590. Ban prepara y competi pa mira ken ta bira e hoben cu lo representa Aruba den e proximo torneo ABC na Corsou.
