Diasabra merdia despues di 1’or, varios patruya di Polis a bay cu urgencia na un adres den Kudawecha.Segun informe cu a drenta, lo tabata tin un problema cu a escala den bringamento y unda dado momento un di e partidonan a saca un arma di candela pa e otro persona.
Ora Polis a yega na e adres, e persona cu a saca e arma di candela tabata den e cas ainda.Polis mesora a aresta e sospechoso aki, esta esun cu a saca e arma.
A laga transportwagen hiba e detenido warda mientras e polisnan na e sitio a sigui cu nan investigacion. Durante un buskeda paden y pafo di cas, a logra haya un bala cayente y tambe un holster.
E arma mes no a logra haya ainda. Polis tin e caso aki bou investigacion completo.