Ariana Croes ta bek na Aruba despues di a competi den e evento internacional di Sudamerica na Barranquilla, Colombia.
E hoben di diesshete aña ta sumamente contento di su resultado. Na su yegada na Aeropuerto Internacional Reina Beatrix, nos a combersa cu ne. E ta sinti cu e nivel cu el a participa na dje ta uno hopi halto. A participa hunto cu esunnan campeon di mundo cu tambe a presenta pa participa den e Sudamerica di gymnastics. No solamente e campeonnan pero tambe esunnan cu a yega di bay mundial, Centro Americano y hasta Olympics. Croes ta conta cu ta su prome evento grandi cu el a yega di bay pa representa Aruba.
Durante su estadia na Barranquilla, Colombia, el a keda dos dia prome cu e evento mes caminda el a train cu e tapijt y tambe e haltura di e dak. Compara cu na Aruba unda e ta train den calor, ey tabata den mas friu, pa cual a rekeri mas ora pa train p’asina su curpa no fria. Riba e di dos tambe el a train mas riba su tacticanan di stage.
Su expectativa tabata pa representa Aruba na un nivel halto. No a bay den mente pa ranca tur premio sino pa demostra cu Aruba tambe t’ey. Na final, e ta sinti cu el a haci un tremendo papel. Croes mes tin como ocho aña activo den e deporte di gymnastics. Compara cu e otro participantenan, cu tin mas experencia cu Croes mirando cu e ta un deporte caro y ta rekeri hopi biahamento.
Pa mas lesa TREMPAN.