Archie Rasmijn y Eveline Cornelie dia 28 di december aña pasa a perde tur nan pertenencia den un candela feroz. Nan ta gradicido pa tur e ayudo ricibi. E no tabata un momento facil pa nan, mirando cu den un cera di wowo nan a bira pober.
Archie Rasmijn, habitante, a gradici pueblo di Aruba cu a dun’e un sosten enorme den momento cu nan a perde tur cos. El a expresa di ta gradici na Papa Dios cu tanto su persona como su casa por a salba te na mita. Tambe n’e hoben di diesseis aña Roman, tambe Leonardo Croes y su señora pa compaña Cornelie te ora ambulance a yega.
E tabatin hopi hende pa gradici p’e sosten grandi riba e oranan cu tabata e sorpresa di mas grandi unda hende a bira pober den un minuut. Rasmijn a indica cu su cas a bay completamente den dies minuut.
El a bira di un hende cu tabatin su cas cu tur cos aden, manera ta bisa bibando den un cas di luho. Pero tur cos a caba den dies minuut y bira pober, “manera bo a nace.”
Eveline Cornelie a expresa cu e salud ta bayendo pocopoco. Tambe a manda palabra di gradicimento na tur persona cu ayud’e door di dun’e algo di come, di bebe y bisti.
Pa mas lesa TREMPAN.COM.
