E homber cu a ayera nochi a secuestra un grupo di hende den e Apple Store na Amsterdam, a muri a causa di su heridanan. Asina abogado Jan Kees van den Brink a informa, riba peticion di e mama di e secuestrado.
Anteriormente, Van den Brink tabata su abogado den otro caso. “E famia ta spera cu nan por laga nan na pas y cu nan por respeta nan privacidad,” el a bisa.
Ayera nochi polis a detene e secuestrado di 27 aña, cu segun Het Parool, yama Abdel Rahman A. despues c’un auto di polis a dal’e. El yega hospital gravemente herida.
