Riba 9 september ultimo, Santa Rosa a reacciona riba 24ora.com bisando cu e dam di Morgenster no ta contami. Randy Maduro di Santa Rosa a reacciona e tempo ey mirando cu tabatin basta comentario vociferando cu awa di e dam no ta sirbi.
A busca reaccion di por lo menos un ciudadano cu ta haci uzo diariamente di e dam aki. Anthony Walle ta un criado di bestia, kende su cunucu ta keda net patras di e dam na Morgenster. E mes, tin basta aña ta uza e awa di dam p’asina muha mata di cual na final e bonchinan di e matanan ta cay y su cabritonan ta haya pa come.
Walle a cuminsa na bisa cu e no ta comparti e opinion di Santa Rosa. E ta kere firmemente cu e awa ta contamina. E por prueba esaki tambe. Banda di e dam tin un compleho di apartamento y tin un slang ta sali directo for di e compleho y bay directo pa e dam. Via e slang aki ta sali awa stinki di pos, segun Walle a comenta.
