Diabierna anochi a tuma luga e evento 10X Whopper Challenge, caminda cu nuebe participante lo a di come 10X Whopper pa asina purba di kibra e record mundial.
Johanna Jacobs, di e team di mercadeo di Burger King, a splica cu a realisa e evento aki, debi cu dia 28 di mei tabata dia Internacional di Hamburger y Burger King tin e miho hamburger, esta e Whopper, di e isla. Pa e motibo ey a organisa e evento.
E forma di participa tabata hopi facil y e participantenan tabata hopi entusiasma pa participa. Un di e participantenan mester a come 10 Whopper, pero no a logra come tur. El a pasa basta trabao na final. Jacobs a menciona cu e ambiente tabata uno hopi bon. Te aworaki e record internacional ta 7 minuut y 40 seconde. E prome participante a dura 20 minuut y no a come tur Whopper. Aruba mester train un tiki mas, Jacobs a comenta. Den e 20 minuutnan aki a come por lo menos 10 Whopper. A organisa e evento aki pa prome biaha na Aruba y por ta kier keda organis’e y asina e tempo lo keda baha na Aruba.
E aña aki tabatin un premio, cual ta 500 florin pa e ganado di e Challenge. Esaki sigur a cay bon na e momentonan aki. Ta P’esey mes a organisa e evento aki pa fin di luna, duna bek na comunidad, den un forma poco facil, den e sentido cu no mester haci nada pa participa. Ta spera cu pa otro aña e tempo por keda drecha y pa e participantenan di e aña aki sigui bin e localidad.
Burger King tin tres localidad. Na San Nicolas, Paradera y Playa. Nan lo sigui expande y lo tin un localidad nobo na Santa Cruz. Tambe lo bay tin un luga nobo na Savaneta. Burger King su idea pa ta sigui crece den comunidad, cu un imagen nobo y haciendo diferente cambio na su edificionan. Jeon a bin bek cas cerca su famia di Burger King, di cual nan ta hopi contento cu ne. Tambe nan ta introduciendo productonan nobo, entre otro e Impossible Whopper, cual ta un burger vegetal. Pero cu e mesun sabor dushi di e Whopper. Cu tur esaki Burger King ta sigui y duna bek na comunidad.
CONTENTO CU SU PREMIO
E ganado di e Challenge, Andre Angela, a gana su 500 florin despues di a come 6 Whopper, cual sigur tabata un reto pe. Awo e kier wak ken lo kibra su record otro aña. E ta conta cu el a kere cu tabata trata di un pan chikito, pero e tabata robes. E tabata grandi. E no a logra yega 10, pero 6. Pero e lo bay pe si Burger King organisa e evento aki otro aña.
Loke cu Andre gusta mas hopi ta logicamente e Whopper, esey ta sin duda. E premio cu el a gana sigur a drecha su dia y ta contento cu su premio. El a agrega cu el a yega di bay un competencia asina un biaha na Aruba. E biaha aki ta cu mas hende. Bo tin cu come bay y percura pa gana e otro hendenan. Andre ta ansioso pa participa den e siguiente reto di Burger King.
