Den un publicacion haci riba Facebook, Aruba Birdlife Conservation ta haci un yamada na AHATA, ATSA y ATA, como tambe Cuerpo Policial, pa yuda para e conducta destructivo di turistanan pa loke ta nos areanan di naturalesa.
E publicacion ta bisa lo siguiente:
“A crea e negoshi di off-road adventure promovi pa e sector turistico. E negoshi aki tin un impacto destructivo significativo y structural den naturalesa di Aruba.
E sector aki a converti den un consecuencia canceroso di e explotacion impulsa pa cudishi di cual e muchanan di Aruba ta pertenece. Ta rekeri di medida di largo alcance y e aplicacion pa frena e crimen persistente aki contra e naturalesa di Aruba.
Diadomingo mainta a tuma luga otro culminacion di e caracter destructivo di e negoshi aki. Riba e imagennan adhunto por mira e criminalnan di naturalesa coriendo den Bubali Plas di Parke Nacional di Aruba. Si, coriendo den un di e santuarionan di parha mas importante di Aruba.
Na autoridad ta pidi por fabor percura pa esaki para.
Tur esunnan cu a contribui di cualkier manera, directa of indirectamente, a traves di e promocion di tal destruccion di naturalesa ‘turismo di aventura’, por fabor, asumi boso responsabilidad y cuminsa cu un campaña awo contra tal destruccion structural di naturalesa di nos isla.
Nos ta spera cu autoridad policial por papia cu propietario di e vehiculonan aki (number di plachi ta disponibel riba e potretnan) y kisas por localisa e criminalnan aki di naturalesa y duna nan un boet.
A yega e momento pa tuma e destruccion di e naturalesa na Aruba na serio.
Sector turistico: mester pone un fin na e conducta destructivo di naturalesa. Por fabor, organisa riba e problema aki, asumi e responsabilidad rekeri y actua como consecuencia.”
Na final di e post, Aruba Birdlife Conservation ta gradici e instancianan pa nan comprension y pa nan haci esaki pa e muchanan.
