Allan Halley ta biba den un situacion fastioso, unda cu pa 8 luna e AO. E no ta ricibi ningun pago di SVb ni di e compania di construccion. E compania no tin e contract mas unda nan tabata trahando. Pero awo e compania di construccion no tin manera di paga su trahadonan.
E kiermen cu normalmente SVb tin cu pag’e, pero esey no ta e caso tampoco. Nan a bis’e cu ta bay pag’e pero mester kita di e compania. Halley kier sa con e ta bay haci awo cu no por meldziek mas. E tin cu warda basta tempo pa por opera lomba, di cual dia 10 augustus e tin afspraak cu dr. Lacle. E no ta mira un solucion, pero kier mira un solucion pa haya su placa y paga su debenan.
Mas compania a pasa den e mesun situacion cu e compania di construccion cu e ta traha p’e, y esaki tin di haber di no cumpli cu ley. Loke el a haya for di e compania ta un biaha 800 florin, despues 400 florin y nada mas. E no ta ricibiendo nada y su famia ta mantene.
Halley kier sa pakico SVb no ta pag’e y ta blo keda bir’e. Segun Halley, si SVb no kier paga, e lo bay busca un abogado. El a acera Minister Glenbert Croes y no a hay’e, el a bay Departamento di Asuntonan Social, Departamento di Labor, pero tur ta mand’e mesun direccion bek. E kier pa nan dun’e su placa pa asina e por paga su debenan.
