Alfredo Koolman, director di WEB ta subraya cu pa loke ta trata control y evaluacion riba responsabilidad di cunukero, p’esey tin consulta periodicamente cu Santa Rosa pa keda al caso cu esaki. Santa Rosa ta haci su control, WEB tambe di su banda ta haci su control periodicamente den forma cu ta busca evidencia pa por verifica cu e awa ta uza pa proposito di agricultura y cria.
“Nos ta mira nos mes como parti di comunidad, cu nos tambe ta duna un contribucion, specialmente awe cu ta Dia di Alimentacion”, segun Koolman. Desde 2020, WEB a cuminsa bay den colaboracion cu Santa Rosa y gobierno pa bin ofrece un solucion pa loke ta suficiente awa pa agricultura y cria. Den esey a bin cu un bon solucion, segun Koolman, unda creatividad di WEB Aruba a bini pa suministra e awa pa agricultornan tanten cu ta cumpli cu rekisitonan.
Awor cu hopi placer ta extende e acuerdo pa dos aña mas pa asina por bin na un acuerdo final segun WEB. “Un acuerdo caminda cu nos por bay pa mas aña duna nos contribucion na e sector importante aki riba nos isla.”
Lesa mas den TREMPAN.
