E soldanan Ruso a duna e poblacion di e ciudad di Konotop, den e parti noordoost di Ucrania un ultimatum diaranson mainta. Esey ta loke e alcalde Artem Semenikhim a confirma, segun e medionan di comunicacion Ucraniano. A bisa cu e poblacion di Konotop mester rindi y cu nan lo destrui e ciudad si nan resisti. E imagennan di e disturbionan despues a circula rib’e rednan social.
E militarnan a drenta cu tanki y auto den e ciudad chikito den e parti noordoost di Ucrania. No a ricibi nan cu demasiado entusiasmo, segun e imagennan difundi riba red social. E civilnan a purba di forma un blokeo contra e yegada di e tankinan Ruso, como tambe den hopi otro ciudad Ucraniano.
Den un reunion cu e alcalde, e soldanan a exigi p’e ciudad rindi. E soldanan Ruso, bao di tono di ‘boo’, a habri paso a traves di e coriente di ciudadano furioso cu granat den nan man, pa no ataca nan. “Bay cas, bo ta demasiado hoben pa muri pa Putin,” e publico a grita n’e unidad. A insulta e soldanan, a tuma luga pustament’i boca riba caya.
ULTIMATUM
Konotop tin mas of menos 85 mil habitante. E alcalde, Artem Semenkhun a presenta e situacion n’e bisiñanan, memey di un situacion caotico, segun un video por a ilustra. “Rusia ta duna nos un ultimatum: nos ta rindi of ta destrui e ciudad cu arma. Nos kier lucha of nos kier rindi?”
For di un comienso di e atake Ruso riba Ucrania, dos mil civil a fayece den un siman, segun autoridad. Tambe ta bisa cu miles di Ruso a fayece. Rusia a avansa n’e parti nort y hasta pafo di Kiev y a tuma varios zona n’e frontera den oost y noordoost. Charkov, e di dos ciudad di Ucrania, ta bao tiro. Den e parti zuid, e tropanan Ruso a avansa for di Krim te n’e ciudad portuario di Kherson, n’e riu Dnieper y ta menasa e ciudad di Mariupol, den e lama di Azov den e parti oost. Segun e expertonan militar, Rusia ta controla un gran parti di e espacio aereo.
