Un accidente cu sigur a bira manera comun ta esunnan riba rotonde. Diamars anochi den careda di 9:00PM a sosode un mas y e biaha aki a toca e rotonde di aeropuerto na Sabana Berde. Tene cuenta cu autonan riba e rotonde caba tin preferencia riba esunnan cu ta subiendo.
Chauffeur di un auto marca Toyota modelo Rav4 a subi e rotonde sin duna preferencia na un auto marca Nissan modelo March cu na e momento ey tabata riba e rotonde caba. E impacto tabata inevitabel. Afortunadamente no tabatin ningun persona herida den e accidente aki.
