Desde cu crisis a cuminsa, Fundacion Pa Nos Comunidad (FPNC) ta yudando hopi cliente. A bay di un total di 3000 pa aña di loke a haci aña pasa, pa 3000 mil famia pa luna, desde maart. Esaki no ta 3000 pakete pero ta casi 10 mil pakete di cuminda.
Mayoria famia a haya 3 biaha cuminda y ta bayendo hasta pa e di 4 pakete. Segun Andreina Dirks, Secretaria di directiva FPNC, loke nan a haci na cuminsamento di e crisis ta parti paketenan mas chikito. Tin cu pensa hopi ayudo mester haci’e den un forma strategico pa por premira kico ta bay bin.
E situacion di crisis aki ta uno cu niun hende por premira kico ta pasa, pero sa cu lo ta un temporada dificil. A cuminsa cu paketenan mas chikito pero awo ta bayendo paketenan mas grandi. Na fin di april ya caba tabata na 1850 famia, pero na fin di mei a yega 2900 famia. Desde cu a pone e registracion online dia 15 di mei, FPNC ta hayando 125 registracion nobo pa siman.
E fundacion a ripara cu 68% ta famianan cu tabata vulnerabel prome cu COVID-19, 32% ta famianan directamente afecta p’e virus pero e situacion ta cambiando. E grupo afecta directamente door di COVID ta creciendo y e otro ta bahando. Awo ta na 60%-40% y ta kere cu esaki tin di haber cu mayoria tabatin un tiki reserva por a handle, pero awo no por mas. Ta sinti e desesperacion.
Segun Dirks, e fundacion a logra yuda tur hende te cu awe door cu na prome instante Cede a pone 150 mil florin disponibel y mayoria donacion di comunidad. Sin e ayudo aki FPNC no lo por a yuda ningun famia. Esaki lo sigui pasobra fondonan oficial no a yega ainda pero trabou tin cu sigui. Ta premira cu e lo ta un ayudo pa mas largo.
