E tema di desperdicio tambe algo cu ta preocupa AHATA. Ultimo por a yega e barinan di sushi cu ta bay over den e areanan turistico, riba Linear Park y tambe riba e Boardwalk na Malmok. AHATA semper ta preocupa, segun Tisa LaSorte, CEO di e asociacion.
Tene Aruba Limpi tabata un campaña di hopi tempo pasa cu semper ta importante p’e calidad di bida di nos localnan y tambe p’e experiencia di e turistanan.
Ta kere cu ta claro un problema di e pais pa soluciona, pero ta tambe un problema di nos, como ciudadano. Cada ciudadano mester tene e responsabilidad. Nos ta consumi y na momento di haci esaki, nos ta responsabel tambe p’e desperdicio.
Segun LaSorte, nos tur como ciudadano mester tuma na serio cu nos no por hisa benta cos banda di caminda y crea nos mesun dump. En berdad esaki ta un problema grandi cu Aruba mester soluciona ainda, cu ta spera cu ta na caminda pa soluciona.
Tin hopi hende ta raporta cu nan ta mirando Aruba mas sushi na diferente caminda. Ta pidi pa hende compronde cu ta yega na nos tur pa nos tene Aruba limpi.
