Aruba Hotel & Tourism Association (AHATA) ta acumula e cifranan di ocupacion y prijs di hotelnan tur luna y CEO di AHATA, Tisa LaSorte, ta raporta cu den prome shete lunanan di 2023 tin un patronchi di menos ocupacion compara cu 2019, pero cu prijs mas halto pa cada camber. E resultado ta cu RevPAR, cual ta e indicador principal, ta sigui mas halto cu na 2019 y aña pasa.
JULI 2023:
Ocupacion: E grado di ocupacion tabata 78%, cual ta 5% menos cu grado di ocupacion na juli 2022. ADR: E balor averahe di cada camber bendi tabata $323.50. Un aumento di 9% compara cu juli 2022. RevPAR: E entrada averahe pa tur camber disponibel tabata $252.10 cual ta un crecemento di 3% compara cu juli 2022. RevPAR ta e indicador di e resultado financiero prome cu desconta e gastonan operacional y impuesto.
JANUARI – JULI 2023:
Ocupacion: E ocupacion averahe di e prome shete lunanan tabata 79% cual ta un aumento di 9% compara cu e mesun temporada na 2022. (Nota: Den e prome kwartaal di 2022 Aruba su turismo tabata tin efecto di COVID).
ADR: E balor averahe di cada camber bendi tabata $358.15. Esaki ta 14% mas cu mesun temporada na 2022.
RevPAR: E averahe di e prome shete lunanan tabata $283.31 cual ta 24% mas compara cu e mesun temporada na 2022.
PROYECCION:
Proyeccion actual pa ocupacion averahe di hotel pa Augustus ta 76%, September ta 69%, y Oktober ta 71%. Expectativa pa ful aña 2023 su ocupacion ta 77% y ta representa un reduccion di 9% compara cu e averahe di aña 2019.
TIMESHARE:
Ocupacion na e propiedadnan: Na juli 2023 timeshare tabata 82.6%.
Hotel miembro di AHATA: Amsterdam Manor Beach Resort, Barceló Aruba, Boardwalk Boutique Hotel, Brickell Bay Beach Club, Bucuti & Tara Beach Resort, Courtyard by Marriott, Divi & Tamarijn All-Inclusive, Eagle Aruba Resort, Embassy Suites by Hilton Aruba, Holiday Inn Resort Aruba, Hyatt Regency Aruba, Hyatt Place Aruba Airport, Manchebo Beach Resort, Marriott Aruba & Stellaris Casino, Ocean Z Hotel, Paradera Park, Radisson Blu Aruba, Rehoboth Peaceland Boutique Hotel, Renaissance Wind Creek Aruba Resort, The Ritz-Carlton Aruba, RIU Palace Aruba, RIU Palace Antillas y Talk of the Town Hotel.
Timeshare miembro di AHATA: Divi Aruba Phoenix, Divi Dutch Village, Divi Village Golf, La Cabana, Marriott Ocean Club, Marriott Surf Club, The Mill Resort.
Vacation rental miembro di AHATA: Aramis Real Estate, Aruba’s Life Vacation Residences, Casiola Aruba, Cobalt Blue Residences, Ford Property Management, Turibana Plaza, Santa Lucia Landhuis, Russo Real Estate.
