Marcando e di cinco aniversario di e programa di premiacion, Aruba Hotel & Tourism Association (AHATA) ta hopi entusiasma pa anuncia cu e evento special di AHATA Excellence Awards lo tuma luga diasabra venidero.
Cada un di e 147 diferente tipo di compania cu ta pertenece n’e miembresia di AHATA a haya e oportunidad pa nomina e empleado mas excepcional pa e reconocemento special aki. Cada honrado ta personifica esfuerso extraordinario y servicio excelente cu ta contribui significante na un industria di turismo exitoso y economia productivo.
E honradonan lo ricibi un certificado special y un regalo monetario cortesia di AHATA durante un cena celebratorio den e Ballroom di Hyatt Regency.
AHATA ta hopi agradecido na e sponsornan principal Elite Productions & Entertainment, y tambe e sponsor di bebida; Brouwerij Nacional Balashi, y sponsor di e luga Hyatt Regency Aruba Resort.
Despues di e anochi di celebracion aki, lo anuncia cada honrado riba e rednan social, ademas lo comparti un entrevista cortico graba durante e evento di cada honrado expresando nan motivacion pa logra excelencia den nan trabao diario.
Sigui nan mensahenan riba AHATA su pagina di Facebook: https://www.facebook.com/arubahotelandtourismassociation
