Ta circulando un video caminda por mira un cantidad di pasahero den e sala di yegada di aeropuerto, demostrando asina cu cos no ta bayendo dje malo ey pa nos turismo. Pero alabes ta causa preocupacion, mirando cu no tin distanciamento social.
Mientrastanto vocero di AAA NV, Endy Croes, a indica cu e aeropuerto ta keda e mesun grandi cu e tabata prome cu COVID a cuminsa.
“Ta dificil pa por mantene tur hende cu e distancia mas grandi posibel. Pero si tur hende tin tapaboca, no ta suppose di ta un problema,” Croes a indica.
Hende mes mester mantene na e regla pa tin tapaboca bisti y purba distanciamento social mas hopi posibel, el a agrega.
Apesar di esaki, manera indica caba anteriormente den e articulo, ta un indicacion cu e cantidad di pasahero ta aumentando bek, cual sigur ta un bon señal.
AAA tin atencion riba e aspecto aki, pa loke ta e aglomeracion di pasaheronan den e sala di yegada y ta coordina pa e bay asina ki. Lo mas importante ta cu tur hende mester tin nan tapaboca bisti. E ora ey no tin problema, Croes a bisa por ultimo.
