Diahuebs anochi pasa di 9or a drenta informacion cu tin un Nissan Sentra Cora A-38306 cu dos sospechoso peligroso busca pa husticia. Hasta ta wordo menciona cu nan ta arma cu arma di candela. E area di Tanki Flip unda Central di Polis a indica, no a haya nada. Asina es a keda busca pa e Nissan Sentra.
Patruyanan atento a topa cu e auto bayendo direccion pariba banda di CITGO Paradera. Polis a bay su tras mientras cu refuerzo tabata na caminda. Varios unidad di Polis a yega mesora den e area di Santa Cruz. Den a bira prome cu bay Fayan a logra para e Nissan Sentra cu arma den man. A manda tur hende plat na tera. A resulta cu tabata tin varios hende den e auto entre otro muher y homber.
Ningun di nan ta esnan busca pa husticia manera a indica na Polis. Polis a reconocenan como otro hende. Asina mes tur a keda na pia pasobra tabata falta documento di auto. Rijbewijs sigur e chauffeur no tabata tin. E auto a wordo hiba warda di Santa Cruz. E sirenenan riba caminda cu luz blauw a pone basta hende puntra spanta kiko a sosode. Sinembargo tabata patruyanan bayendo pura pa yuda otronan pa para e auto. Danki Dios tur cos a caba bon.
