Den careda di 6’or y 25 di atardi, a drenta informe cu lo tin un accion riba caya unda cu polis a drenta na un adres conoci.
Unidadnan policial tin henter e area cera. Diferente angulo y area. Detencion a cay. A drenta e cas en cuestion, a tene accion. Ta trata di un caso di droga cu detencion cu a tuma luga. K9 tabata tey presente, como tambe demas unidadnan policial.
Esaki ta un accion contra droga den JG Emanstraat na adres conoci. A yega di drenta den e cas aki den pasado, te cu hende a wordo deteni. E cas ta net patras di ex Panaderia Moderna. E cas aki ta uno scondi caminda cu tin bendemento di droga.
Ya caba mas tempran tabata tin detencion riba caya.
Vocero Policial, Lito Lacle, a comenta cu tin un team special cu ta deal cu benta riba caya. A cuminsa en berdad for di mainta tempran tira riba e cas en cuestion. Un total di cinco persona a keda deteni y ta culmina cu detencion di e persona cu lo ta bendiendo droga na e cas.
Lacle a splica cu tur investigacion ta draai hunto cu Ministerio Publico. Fiscal tabata tey presente hunto cu hues comisario y nan lo mester a haya un manera pa drenta den e cas.
No ta un adres desconoci
Sigur tres biaha cu tabata tin inval na e adres aki. Lacle a splica te cu asina leu, a haya droga na e adres. Ta en espera di un reporte final di loke por a haya na e cas aki.
E informacion ta drenta na Cuerpo Policial. Ta presenta e caso na Ministerio Publico y nan lo evalua si tin suficiente pa cuminsa cu un investigacion penal, cual den e caso aki esaki tabata asina.
Ta casonan cu ta dal di biaha aden. E ta bay over na detene e personanan cu ta cumpra y ta declara contra e persona aki y awe nochi a pone man riba e persona en cuestion.
Esaki no ta e prome adres cu polis ta drenta. Segun Lacle, esaki ta bao di liderasgo di Erick Soemers, kende ta un veterano di e seccion Crimen Organisa, kende a bira hefe di districto di Noord, kende a tuma encargo di e proyecto aki.
Esaki no lo ta e ultimo caso cu nan lo bay den dje tampoco.
Por a mira un biaha mas cu Team Straatverkoop ta back in place y aki tipo di crimennan asina nan number lo hunga.
Ta accionnan rapido cu unico cos cu por haci ta detene personanan cu cumpra y manera nan canta, ya den 24 ora e bendedonan ta cay deteni.
