Un limosine cu tabata transporta algun persona cu tabata bayendo un fiesta di hacimento di aña, a dal contra un otro vehiculo den eparti nort di e estado di New York, lagando 20 persona morto, medionan local a informa diadomingo.
E accidente a tuma luga diasabra anochi na Schoharie, mas of menos 61 kilometer west di Albany, riba ruta 30, Albany Times-Union a reporta. Den e accidente aki a fayece entre otro dos pareha di recien casa, cuater ruman muhe, dos ruman homber y e chauffeur mes, sin conta e demas personanan den e limosine y dos peato.
Vocero di e Hunta Nacional di Siguridad di Transporte, Eric Weiss, a afirma cu un ekipo completo di investigadornan tabata na e luga diadomingo, analisando loke Times-Union a denomina e accidente mas mortal den e region di Albany desde 2005.
Polis di e estado di New York a nenga di duna comentario, sigurando cu nan lo tin mas informacion den un comunicado diadomingo.
E accidente a tuma luga parti pafo di un negoshi di Apple Barrel, unda cu medionan local a informa cu hopi persona tabata den e parkinglot. E tienda a gradici servicionan di emergencia door di a respnde na un “horibel accidente” den un post riba e red social Facebook.
“Nos curason y oracionnan ta bay pa tur esnan cu a keda afecta den e hechonan di awe,” e tienda a sigura.
