Diabierna atardi, den careda di 6’or y mey a sosode un accidente na altura di Macro Supermarket na San Nicolas. Ta trata aki di un Mitsubishi Lancer, maneha pa un cabayero, a accidenta contra di un Suzuki Swift Sport, maneha pa un dama.
Segun testigonan y tambe segun declaracion di ambos partido, e chauffeur di e Lancer, biniendo for di direccion p’ariba pa bay pa lora den e cruzada, pa bay direccion Weg Kust Batterij, lo mester a perde control y dal den e Suzuki Swift Sport.
![](https://24ora.com/wp-content/uploads/2019/02/020119accidentesn-5_1080x608-1024x576.jpeg)
Segun e chauffeur di e Mitsubishi Lancer, su pia a slip for di brake, cual ta e motibo principal cu e mester a bay dal contra e Swift.
![](https://24ora.com/wp-content/uploads/2019/02/020119accidentesn-1_1080x608-1024x576.jpeg)
E dama chauffeur di partido contrario ta bisa cu e homber a bin dal den dje y cu despues di e impacto, a reverse a auto. Pasahero den e Lancer, un dama, a sali for di e auto y core bay. No sa e motibo pakico esaki a sosode.
![](https://24ora.com/wp-content/uploads/2019/02/020119accidentesn-2_1080x608-1024x576.jpeg)
Mientras tanto e chauffeur di e Swift a bisa cu e otro chauffeur ta burachi. Polis di trafico a presenta na e sitio pa check un ke otro y ta pendiente pa mas investigacion riba e caso aki.