Diadomingo merdia alrededor di 1:00 pm a sosode un accidente dilant Moko Mini Market.
Inicialmente a pensa cu e accidente ta basta grave pa motibo cu a cera caminda.
Tabatin dos auto envolvi, un KIA Optima color shinishi scur numera A-22350 y un Chevrolet Aveo LS blanco numera A-63461. Segun por a compronde, un di e vehiculonan no a duna preferencia y nan a dal den otro.
Un señora y un menor di edad a resulta cu lesion leve. Ambulance a bay cu nan direccion hospital pa ricibi atencion medico avansa.
Daño material tabata basta y a detene un chauffeur ya cu ora el a supla, e nivel di alcohol tabata halto.