Diamars atardi alrededor di 3:00 pm a tuma luga un accidente riba Green Corridor, prome cu yega rotonde Pos Chikito for di brug Fredis Refunjol. Segun informacion, pasament’i auto ta e origen di e accidente aki.
E dos autonan envolvi ta un Kia Picanto y un Mazda. E Picanto ta numera A-13739 y e Mazda A-64783. Daño material tabata basta, e Picanto su bumper a keda completamente destrui. Polis di trafico a presenta pa atende cu e accidente’ki. Trafico tabata completamente stagna debi na e accidente.
