Pasa di 4: di madruga patruya di Playa a ser manda net dilanti di Ex Arfeva, caminda a sosode un accidente. Na yegada di patruya a bin topa cu un Toyota Celica color shinishi numera A-56587 y un Honda CRV color preto numera A-51459. Ora polis a bay chek kiko exactamente a sosode, a bin saca afor cu e Celica tabata biniendo duro riba e caminda y e chauffeur no a nota cu tin e plateau riba caminda y a purba evita y a dal den e pilon na banda y despues dal tras di e Honda CRV. Pa colmo e Celica no tabata tin su papelnan na ordo. Polis a tuma datos di e susedido. Daño material na e Celica tabata basta grandi. Ningun hende a resulta herida.
