Diabierna a tuma luga un caso den Corte Supremo na Hulanda, unda cu a trata matrimonio di mesun sexo tanto na Aruba y Corsou, cual gobierno di ambos pais a indica cu Corte a sinta riba nan stoel.
Mirto Murray ta un abogado cu a bin di Corsou p’asina participa den e caso aki. E tabata forma parti di e defensa. El a comenta cu loke el a bisa den hof, cu a base di un comentario di su bon amigo David Wever cu a bisa Corte Supremo letterlijk “doorbreek de muur,” Murray a cita Ronald Reagan, tempo el a hiba un discurso na Berlin na 1987, caminda cu el a bisa Mikhael Gorbachev “Tear down this wall.”
Cu esaki e kier a splica Corte Supremo, pa ‘tear down’ e muraya, cual ta prohibi cu nan clientenan tanto na Aruba y Corsou, no por casa te na e momentonan aki.
E clientenan di Murray a splica nan amor pa otro na corte y no kier stroba ningun hende. Solamente duna nan e oportunidad pa casa cu otro. Esey p’e motibo aki tambe a cuminsa cu e caso na Corsou, tanto e caso di pareha na Aruba cu a cuminsa cu ne, pa en realidad asina yega n’e momento cu berdad nan por casa y no ta stroba nada, ningun discriminacion, cu hende di e mesun sexo por casa cu otro.
Pa mas detaye lesa TREMPAN.
