Abogado David Kock a wordo invita pa bin na departamento di asuntonan economico, pasobra tin diferente presentacion cu tin di haber cu Expro Desk y Royalties ta un di e temanan.
Otro oradornan pa esaki tabata sra Nicole Booi, sr Victor Mathilda, sr Sergio Tjie-A-Loi y sra Maybeline Arends.
Algun siman pasa, Kock a sali cu e informacion riba royalties y cu a capta atencion den tur area na Aruba. Reaccionnan positivo, negativo, pero tin un discusion.
Abogado Kock a splica cu e tabata un invitado na un evento cu ta wordo teni pa Exprodesk, cu ta trata derechonan di autor en principio y royalties ta un di e topico cu ta bin p’adilanti.
Kock tabata un di e oradornan. Esaki tambe ta wordo organisa hunto cu AMA, Asociacion di Musico y Artistanan di Aruba. Esaki tabata un tiki informativo, esnan interesa por a bin haya tiki mas informacion riba derechonan di autor y e topico cu el a toca cu ta Royalties aki na Aruba pa artista y autornan Arubiano.
Informacion
Pa loke ta e tematica aki, Kock a sigui splica cu tin varios cos cu sa cu na Aruba no ta regla of no ta existi. Locual cu no ta nifica cu e no mester ta aplicabel. Loke a purba ta pa bin cu un cambio den esey. Concientisa y esey tambe ta parti tambe di e eventonan aki cu ta wordo organisa. E ta trata un grupo selectivo, pasobra ta e artistanan y e autornan ta esunnan cu eigenlijk pa nan e ta aplica, aunke tur hende cu tin contacto of tin di haber cu uzo comercial di derechonan di otro, mester compronde cu pa esey mester tin un cambio y esey ta e cambio cu ta purbando di trece.
Con facil pa haya tur hende abordo
Ta cuminsa sinti diferente sentimento. Ta haya e artista cu ta haya cu no ta interesa. Pero bo ta haya esun cu ta promove e artista, cu si ta asina no ta toca. Segun Kock, historia por bisa cu tur cos nobo ta trece controversia, ta trece discusion. Atrobe, mirando cu no ta nada straño cu ta wordo presenta aki, despues di e discusionnan ey caba, lo bin un clarificacion y si un dado momento e wordo implimenta ta bin tambe aceptacion. Djis e ta tuma tempo. Ta haya stromingnan cu tin diferente pensamento riba esey. Pero na fin di dia, no tin nada otro cu su implementacion. Mescos cu na tur parti di mundo.
Interes di artistanan local
Tin artistanan cu ta full pro, tin otronan cu ta contra. Pero loke ta hopi importante ta cu esaki no ta algo obligatorio. Un artista cu ta bisa cu e no ta interesa, simplemente e no mester participa, a menos cu por ta automaticamente e ta participa, pasobra ya e ta registra internacionalmente. Si bo ta registra internacionalmente, automaticamente bo ta doe mee. Si bo no kier participa localmente esey tambe ta un derecho. Derecho ta implica, mescos cu tin derecho riba royalties, si bo kier bo ta uze, si bo kier no. Esey ta un discusion cu por ta hopi cortico pa loke ta trata e artistanan.
Plan
Esaki ta algo cu pa hopi aña ta trahando riba dje, pa hende no kere cu di un anochi pa mainta, ta bin cun’e. Awor aki ta purbando pa logr’e. E ta rekeri masha hopi preparacion, masha hopi negociacion. Ta negociacionnan internacional tin cu hiba en principio, di manera cu kier impliment’e. Tin hopi aña bezig. A yega di anuncia cu dentro di algun luna lo kier implimenta. Ta depende con e desaroyonan ta bay di awo pa e siguiente tempo. Esey lo defini si caba den e schedule cu ta purbando di mantene.
