Na april di e aña aki Venezuela a habri bek su frontera aereo cu Corsou despues di cuater aña y ta e aerolinea Albatros ta esun cu a cuminsa cu su operacionnan cu dos vuelo pa siman, riba diaranson y diabierna pa inicia di e forma aki e intercambio comercial y turistico.
Sinembargo, e vuelonan no a duro mucho. Den menos di dos luna autoridad a hala e permisonan di e aerolinea aden y e motibonan no ta conoci ainda. Esaki ta nifica cu na e momentonan aki Venezuela no tin conexion aereo cu e islanan ABC.
Segun un publicacion haci na Venezuela riba e portal Cactus24, un luna pasa tabatin un concierto di Vallenato na Punto Fijo y e vuelonan a yega completamente yen, locual a aumenta e bentanan den comercial y operacion di e hotelnan. E prome vuelo tabata dia 26 di april.
Por a compronde for di Venezuela, cu nan tin tur speransa cu pa e proximo luna, e frontera aereo cu Aruba lo habri. Te na e momentonan aki tin solamente conexion maritimo y por lo menos nan ta hopi contento cu e intercambio comercial, cu ta bayendo pa su di tres siman.
