Diabierna, pa mas of menos 10:15 am, polis a presenta na un adres den Simon Platstraat caminda cu tabatin un cacho pega den tralie.
Na e sitio, nan a purba di yuda saca e cacho fo’i su miseria, pero nan no a logra, mirando cu e cacho tabata uno brabo. Tur loke nan por a haci ta coy un pochi y yena awa pa e cacho haya pa bebe.
Loke tabata remarcabel ta cu den e cura aki tabatin masha hopi cacho. Segun bisiñanan, por lo menos binti. Tambe informacion cu a ricibi ta cu e doño di cas, un dama, ta malo y probablemente esey lo por ta motibo cu e cachonan parce ta den un estado negligente.
A pone City Inspector na altura pa asina tira un bista y atende cu e situacion.
